18 hektarea erre dira Gazolatzen, tximista batek eragindako sutean

18 hektarea erre dira Gazolatzen (Nafarroa), tximista batek atzo, 20:00ak inguruan, eragindako sutean. Foru Gobernuak jakitera eman duenez, 05:30 aldean lortu dute sua kontrolpean izatea. Gehienbat, pinudiak erre dira.

Bero handia dago iragarrita ondorengo orduoetarako, eta sua berriz pizteko arriskua dagoela esan dute adituek. Hori dela eta, suhiltzaile-talde bat ingurua zaintzen ari da.

Sugarrak inguruko herrietatik ikusi ziren, eta errautsak Iruñeko erdiguneraino iritsi zirela esan du Nafarroako Gobernuak.