Mendizale eibartar bat hil da Frantziako Pirinioetan

60 urteko mendizale eibartarra hil da Pirinioetan, eitb.com-ek jakin ahal izan duenez duenez. Atzo izan zen ezbeharra Pic du Midi D'Ossau mendian.

Menditik jaisten ari zela gertatu zen ezbeharra atzo eguerdian. Hogei bat laguneko taldearen buru zihoan 60 urteko mendizalea estropezu egin eta 200 metroko altueratik behera erori zenean.

Frantziako larrialdi zerbitzuek ezin izan zuten ezer egin bere bizia salbatzeko eta helikopteroz erreskatatu behar izan zuten mendizalearen gorpua.

Azken astean Pirinioetan hil den bigarren mendizalea da. Ostiralean bertan 31 urteko eskalatzaile bizkaitarraren gorpua aurkitu zuen Guardia Zibilak, Peña Foratatan, Sallent de Gallegon.