Gizartea -
Tresna berria
Basque Tourisme Intellingence euskal behatokia jaio da
Jaurlaritzak azaldu duenez, tresna horri esker "euskal turismo-sareak erabakiak garaiz hartzeko aukera izango du, kezka eta arrisku gutxiagorekin".
Erredakzioa
Eusko Jaurlaritzak, Basquetour sozietate publikoaren bidez, Turismoaren Euskal Behatokia sortu du, Basque Tourism Intelligence.
Gobernuak azaldu duenez, "tresna eskuragarria izango da, erreferentziazkoa sektorearentzat, eta informazio, analisi eta azterketa-beharrei erantzungo die, baita jakintza-beharrei ere, erabakiak hobeto hartzeko".
Pilar Zorrilla Merkataritza eta Turismoko sailburuordeak eta Ana Izaguirre Basquetourren zuzendariak aurkeztu dute Behatokia gaur goizean; euskal turismo-sektorearentzat tresna baliagarria izatea da Jaurlaritzaren helburu nagusia, "erabakiak garaiz hartzeko eta kezka eta arrisku gutxiagorekin".
"Basque Tourism Intelligence behatokia erraz erabiltzeko modukoa izango da, erabiltzaile mota guztien informazio-beharretara egokituko da, euskal turismo-sektorearekin lankidetzan arituko da eta sektorearentzat baliagarri izango diren informazio-iturri garrantzitsuak ahalbidetuko ditu", adierazi dute.
Lau arlotan banatuko da: estatistika, eTurismoa, ikerketa eta zabalkundea. Horien bidez, "Euskadira iristen diren turisten portaerak hobeto ezagutuko ditugu hainbat aldagairen arabera, eta Euskadi beste autonomia-erkidego batzuekin alderatu ahal izango dugu, batez besteko prezioen berri izanez probintziaren arabera".
Sektoreak Basque Tourism Intelligence behatokian erabiltzaileen esku dauden baliabide guztiak erabiltzeko ohitura har dezan, prestakuntza-saio bat antolatu durw urriaren 3an, 4an eta 5ean, Donostian, Gasteizen eta Bilbon, hurrenez hurren.
