Nola garbitu behar da etxea covid-19aren pandemiak dirauen bitartean?

Gehien ukitzen diren gainazalak maiz garbitzea oso eraginkorra da covid-19ari aurre egiteko. Hori eta beste hainbat gomendio eman ditu Espainiako Osasun Ministerioak etxe barruko kutsatzeak saihesteko. Hauek dira Twitter bidez zabaldutako aholkuak:

- Etxea egunero aireztatu.

- Ez astindu arropa eta ur beroarekin garbitu.

- Ura eta xaboia erabili etxea garbitzeko. Askotan ukitzen diren gainazalak eta bainugela desinfektatu egin behar dira erabili ondoren.

- Bainugela eta sukaldea sarri garbitu. Lixiba erabiliz gero, 20 ml nahastu 980 ml uretan justu garbitu aurretik: 5 minutu utzi eta aklaratu.

- Ondo garbitu, batez ere, ateen heldulekuak, tiradoreak, mando edo urrutiko agenteak eta antzekoak

- Desinfektatzeko trapu ezberdinak erabili eta eskuak garbitu amaitzean.

- Garbiketarako eskularruak eta arropa erabili.

- Produktuen etiketei jaramon egin eta produktuak ez nahastu.

Bere garaian ondorengo aholku hauek ere eman zituen Osasun Ministerioak koronabirusa etxera ez eramateko:

Etxetik kanpo

- Saiatu gainazalik ez ukitzen; eginez gero, ondo garbitu eskuak, ura eta xaboia edo hidrogela erabiliz.

- Ahalegindu maskara, begiak, ahoa eta sudurra ez ukitzen.

- Beste pertsonekin segurtasun-tartea utzi.

- Autoa erabiliz gero, sarri garbitu, batez ere gehien ukitzen diren gainazalak.

Etxera iritsitakoan

- Zapatak erantzi eta atetik gertu utzi.

- Gune itxi batean pertsona gehiagorekin denbora jarraian izanez gero, arropa erantzi eta garbitu.

- Etxetik kanpo erabilitako objektuak desinfektatu (mugikorra edo betaurrekoak).

- Eskuak garbitu.