Gizartea -
Istripua Albaceten
Hildako bat sute bat itzaltzen ari ziren bi helikopteroren talkan
Bi helikopteroak basoko sute bat itzaltzeko ura hartzen ari ziren eta talka egin ostean, erori egin dira. Gidarietako bat izan da hildakoa.
Erredakzioa
Bienservida herrian, Albaceten, piztu den sute bat itzaltzen ari ziren bi helikopterok istripua izan dute eta horietako baten gidaria hil egin da.
12:45 inguruan gertatu da istripua, Los Castellanes inguruan piztu den sute bat itzaltzen ari zirela. Gaztela Mantxako basoko suteak itzaltzeko zerbitzuetako (INFOCAM) bi helikoptero ziren. Ura hartzen ari ziren eta airean talka egin ostean, ura hartzen ari ziren putzura erori dira.
Helikopteroetako bat gidatzen ari zen gizon bat onik atera da, baina bestea, hasiera batean bizirik aurkitu duten arren, hil egin da. Gidaria, L. J., Danimarkakoa zen.