Gizartea -
17:15etik aurrera
Neurriak hartu dituzte Bilbon itsasadarrak arratsaldean gainez egingo balu laguntzeko
Gaur (17:15), ostiralean (17:50), eta larunbatean (18:30) marea goian dagoenean izango da arrisku handiena, Deustuko erriberan eta Zorrotzaurren bereziki.
agentziak | erredakzioa
Marea biziak direla eta, Bilboko itsasadarrak gainez egin lezake gaur arratsaldean. Arrisku horren aurrean, Bilboko Udalak zakuak jarriko ditu, eta saneamenduko kamioi bat bideratuko du, itsasadarrak gainez egingo balu laguntzeko.
Bilboko Udalak arreta eskatu zien atzo herritarrei ostegunetik larunbatera egongo diren marea bizien ondorioz itsasadarrak, arratsaldeetan, gainez egiteko arriskua dagoelako.
Gaur (17:15), ostiralean (17:50), eta larunbatean (18:30) marea goian dagoenean izango da arrisku handiena, Deustuko erriberan eta Zorrotzaurren bereziki.
