Gizartea -
Bizkaia
Hiru atxilotu Zornotzako adingabeen zentroan, Ertzaintza harrika hartu ondoren
Gertakariak 16:30 aldera jazo dira. Bi ertzaina anbulatorioan artatu behar izan dituzte.
Agentziak | Erredakzioa
Ertzaintzak hiru pertsona atxilotu ditu arratsaldean, Zornotzako (Bizkaia) adingabeen zentroan. Gainera, laugarren adingabe bat ikertua izango da. Borroka baten abisua jaso eta bertaratu direnean, ertzainak harrika hartu dituzte.
Segurtasun Saileko iturriek jakitera eman dutenez, gertakariak 16:30 aldera jazo dira. Gutxi lehenago, adingabeen zentrotik abisua eman diote Ertzaintzari, antza denez, borroka baten berri emateko.
Ertzainak harrika hartu dituzte zentroan. Erasoaren aurrean ertzainek laguntza eskatu dute. Patruila gehiago eta talde mugikorra bertaratu dira.
Esan bezala, hiru adingabe atxilotu dituzte, eta laugarren bat ikertua izango da. 17:15 aldera bukatu dira istiluak. Bi ertzain artatu behar izan dituzte anbulatorioan.