Gizartea -
Gasteizen
Neskato bat larri dago bere eskolako autobusak harrapatuta
Istripua ostegunean gertatu zen, 20:00etan, neskatoa autobusetik jaitsi eta autobusearen gidariak ibilgailua martxan jarri zuenean.
Erredakzioa
14 urteko neskatoa larri zauritu da Gasteizen bere eskolako autobusak harrapatuta. Nerabea ibilgailutik jaitsi eta gutxira autobusa martxan hasi da inguruan zeuden pertsonak kontuan izan barik.
Gasteizeko Udalak jakitera emandakoaren arabera, gertaera ostegunean izan zen, 20:00etan, Portal de Castilla kaleko 80. zenbakian.
Ibilgailuaren inguruan zegoen jendeari erreparatu gabe gidariak autobusa martxan jarri zuenean gertatu zen ezbeharra. 14 urteko neskatua autobusetik jaitsi berria zen eta ibilgailuak harrapatu egin zuen. Ondorioz, zauri larriak izan zituen eta Txagorritxuko Ospitalera eraman zuten.