Gizartea -
Atxiloketa Donostian
Ertzaintzak lagun bat atxilotu du haur-pornografia izateagatik
34 urteko atxilotuak adingabeak sare sozialen bidez konbentzitzen zituen euren irudiak grabatu eta berari bidali ziezaioten.
Erredakzioa
Donostiako ertzain-etxeko agenteek 34 urteko gizonezko bat atxilotu dute haurren material pornografikoa izateagatik, Herrizaingo Sailak jakitera eman duenez.
Konfiskatutako materialaren parte bat biktimek igorri zioten, atxilotuak adingabeak sare sozialen bidez konbentzitzen zituelako euren irudiak grabatu eta berari bidali ziezaioten. Ertzaintzak epailearen esku utzi du atxilotuaren etxebizitzan konfiskatutako materiala.
Biktimetako baten gurasoek otsailean egindako salaketan du oinarria Ertzaintzaren ikerketak. Gurasoek eduki sexualeko eta pornografikoko mezuak aurkitu zituzten bere semeak sarean izandako komunikazioak berrikusten ari zirenean. Jakinarazi dutenez, adingabeak sare sozialen bidez jaso zituen mezuak. Mezu horietan eduki pornografikoko irudiak azaltzen ziren.