Gizartea -
Emakumeen aurkako indarkeria
Gizonezko bat atxilotu dute Calpen, ustez emaztea hiltzeagaitik
Antza denez, erasotzailea bere buruaz beste egiten saiatu da emaztea hil ondoren; izan ere, atea ireki duenean, "zenbait zauri zituen".
Erredakzioa
80 urteko gizonezkoa atxilotu dute Carrió de Calpe herrian, Alacanten, ustez 78 urteko emaztea hiltzeagaitik, Guardia Zibilak Efe albiste agentziari jakinarazitakoaren arabera.
15:00ak aldera, Guardia Zibilak gizon baten deia jaso du aitak ama hil zuela esanez deitu diola abisatzeko.
Belgiar jatorriko bikotearen etxebizitzara heldu direnean, gizonezkoak atea ireki du odolez beteta eta barrualdean emakumea aurkitu dute, etzanda, eta buruan traumatismoa zuela.
Bere buruaz beste egiten saiatu da
Iturrien arabera, gizonezkoa bere buruaz beste egiten saiatu da emaztea hil ondoren, izan ere, atea ireki duenean "zenbait zauri zituen".
Atxilotua Guardia Zibilaren Calpeko komandantziara eraman dute eta Valentziako Justizia Auzitegi Nagusiaren arabera, ziurrenik Deniako indarkeria epaitegiaren esku utziko dute astelehenean.
