Goiz korapilatsua A-8an, Zornotzan eta Basaurin izandako hiru istripurengatik

Hainbat ibilgailuren arteko hiru istripu gertatu dira gaur goizean A-8 autobidean, Zornotzan eta Basaurin, eta auto-ilara luzeak sortu dira Irunera bidean, Eusko Jaurlaritzako Segurtasun Sailak jakinarazi duenez. Ez da inor zauritu, baina ezbeharren ondorioz ilara luzeak sortu dira.

Lehen istripua Malmasingo tuneletan gertatu da. Bi autok elkar jo dute Irungo noranzkoan, eta ezkerreko eta erdiko erreia oztopatu dute; ondorioz, ilara luzeak sortu dira. Ezbehar horretan, ez da inor zauritu.

Gerora, ezbehar horren ilaran, Basaurin, beste bi autok istripua izan dute eta hiru kilometro arteko ilarak sortu dira.

09:45 aldera zirkulazioa normaltasunera itzuli da.

Bestalde, bost autok elkar jo dute gaur goizean A-8 autobidean, Zornotzan, eta ilara luzeak sortu dira. Istripuaren ondorioz, bi errei itxi dituzte (ezkerrekoa eta erdikoa), eta, hori dela eta, ilarak sortu dira. Hala eta guztiz ere, ez da inor zauritu.

Istripua izan duten ibilgailuak erretiratu eta errepidea garbitu ostean, 10:15 aldera zirkulazioa normaltasunera itzuli da.