Gizartea -

SUTEAK

Bi pertsona zauritu dira Arrigorriagan, Lasarte-Orian eta Zamudion izandako suteetan

Gizon bat Donostia Ospitalera eraman behar izan dute erredura arinengatik. Bestalde, gizon bat Gurutzetara eraman dute Zamudioko sutean kea arnasteagatik. Sute guztiak itzali dituzte dagoeneko.

Sutea Arrigorriagan. Argazkia: @ikersalgadoser1
Sutea Arrigorriagan
Sutea Arrigorriagan. Argazkia: @ikersalgadoser1

EITB.EUS

Whatsapp Facebook Twitter Telegram Email

Bi pertsona zauritu dira Lasarte-Orian eta Zamudion izandako suteetan eta Donostia Ospitalera eta Gurutzetako ospitalera eraman behar izan dituzte hurrenez hurren, Eusko Jaurlaritzaren Larrialdi Zerbitzuak Twitter kontuaren bitartez jakinarazi duenez.

Lehen sutea 02:10 aldera piztu da Zamudioko Ugalde Gure industrialdeko enpresa batean. Larrialdi zerbitzuetako langileek 59 urteko gizon bat erreskatatu dute eta Gurutzetako ospitalera eraman behar izan dute, kea arnasteagatik.

Bigarren sutea 02:20 aldera piztu da Lasarte-Oriako Adarra kaleko etxebizitza batean. Etxeko bizilagunetako batek, 54 urteko gizonak, erredura arinak izan ditu eta Donostia Ospitalera eraman dute. Halaber, adin txikiko neska bat tokian bertan artatu behar izan dute kea arnasteagatik.

Hirugarren sutea atzo gauean piztu zen Arrigorriagako Atxukarro industrialdean. Dena den, ez zen inor zauritu.

Sute guztiak itzali dituzte dagoeneko.

Hau zure interesekoa bada, baliteke beste gai hauek ere izatea
Bizkaiko albisteak Gaurko albisteak Gipuzkoa Euskal Autonomia Erkidegoa albisteak Suteak albisteak Gizartea bideoak Albisteak Gaur Arrigorriaga Lasarte-Oria Albisteak Zamudio albisteak Suhiltzaileak