Desagertutako bainulari baten bila ari dira Zurriolan

Holandar nazionalitatea duen gizon bat desagertu da Donostiako Zurriolako hondartzan, Eusko Jaurlaritzako Barne Sailak informatu duenez.

Iturri berberak kontatu duenez, gertaera arratsaldeko hiruetan suertatu da, desagertutako gizona eta bere hiru lagun Zurriolan bainatzen ari ziren bitartean.

Lauetatik bik bere kasa irten ahal izan dute, hirugarrenak surfista batzuen laguntzaz irten behar izan duen bitartean. Laugarrena, berriz, desagertuta jarraitzen du.

Gurutze Gorriak, Itsas Salbamenduko ontziek eta Ertzaintzaren helikoptero batek gunea miatu dute.