Gizartea -
KORONABIRUSA
1.200 pertsonak egin dute PCRa Villabonan eta Zizurkilen, deiturikoen % 41ek
13-40 urte artekoak daude deituta, baina PCR probak herritar guztiei egiteko eskatu diote alkateek Osasun Sailari, horrela, "egoeraren diagnostiko zehatzagoa egin ahal izateko".
AGENTZIAK| ERREDAKZIOA
Villabonako eta Zizurkilgo 1.200 pertsona joan dira azken orduotan PCR proba egitera Villabonako frontoira; hots, deitutakoen % 41.
Osasun Sailak eta Osakidetzak 13 eta 40 urte bitarteko Villabonako eta Zizurkilgo bizilagunei PCR probak egiteko eskatu zieten, COVID-19aren balizko kasuak detektatzeko, pandemia zaintzeko eta kontrolatzeko egiten dituzten lanen baitan.
Beatriz Unzue eta Iker Urruzola Villabonako eta Zizurkilgo alkateek larunbat honetan jakinarazi dutenez, 13 eta 40 urte bitarteko pertsonen % 41 aurkeztu da probak egitera atzo arratsaldean eta gaur goizean, hau da, ia 1.200 pertsona.
Gauzak horrela, alkateek eskerrak eman dizkiete bi egunetan PCRak egin dituzten herritar horiei.
Bestalde, PCR proba horiek herritar guztiei egitea eskatu diote alkateek Osasun Sailari; horrela, "COVID-19aren pandemiak bi herrietan duen egoeraren diagnostiko zehatzagoa egin ahal izango bailitzateke".
