Protesta deitu dute kristau batzuk Baionan, mezarik egin ezina salatzeko

Ipar Euskal Herrian, konfinamenduak aurrera jarraitzen du. Bi aste dira indarrean sartu zela, eta zenbait kristau konfinamenduaren aurka agertu dira.

Frantziako Estatu osoan mezak debekatuta daude elizetan; elizak irekita daude eta herritarrek sartu ahal dute bertara, bana ezin dute mezarik ospatu. Ezkontzak eta hiletak egin daitezke soilik, eta oso edukiera mugatuekin.

Hala, erabaki horrek erlijio-askatasunaren aurka egiten duela sinetsita, elkarretaratzeak deitu dituzte gaurko Estau osoan. Zenbait hiruburutan goizean izan dira, eta gurean, arratsaldean izango da Baionan. 17:00etan da hitzordua,  Katedralaren parean.

François-Xavier Esponde Baionako gotzainak, beste apezpizku batzuekin batera, eskaera egin dio Frantziar Estatuko Kontseiluari erabakia atzera bota dezaten, baina ezezkoa jaso dute.

Dena den, neurria onartzen duten apaizak ere badira Iparralden, betiere osasunaren izenean egiten bada, halaxe adierazi dio, adibidez, Xipri Arbelbidek Euskadi Irratiari.

Frantziako Elizaren jerarkia ere kontsigna ofizialak jarraitzearen aldekoa da, eta ez ditu babesten protestak.

Elkarretaratzeek, gainera, isunak ekar ditzakete. Frantziako barne-ministroak adierazi du beharrezkoa izanez gero, Polizia bidaliko duela mota honetako protestetara, eta diru-zigorrak ezar ditzaketela elizen aurrean biltzen direnei.

Astelehenean bilduko da Gerald Darmanin Barne ministroa Eizaren ordezkariekin, datozen asteeei begira, egoera aztertzeko.