Gizartea -
Exhibizionismoa
Gizon bat atxilotu dute adingabeei genitalak erakusteagatik, Donostian
19 urteko gaztea zakila eta barrabilak erakusten aritu zen adingabekoen aurrean, Hirutxulo plazako inguruan.
Erredakzioa
19 urteko gizonezko bat atxilotu dute Donostian adingabeen aurrean genitalak erakustea leporatuta, Herrizaingo Sailak jakitera eman duenez.
Aipatu iturrien arabera, emakume batek eman zion abisua Ertzaintzari atzo 13:30 aldera Haritxulo plaza inguruan gizonezko bat genitalak erakusten ari zela ohartaraziz.
Inguruan zebilen patruila batek aurkitu zuen gizonezkoa eta exhibizionismo delitua leporatuta atxilotu zuten. Ertzaintzak azaldu duenez, gizonezkoa ibili zen inguruan adingabe asko zeuden.
Gaztea komisariara eraman zuten epailearen esku utzi aurretik.
Hau zure interesekoa bada, baliteke beste gai hauek ere izatea