Itxi

Gizartea

IRUZUR INFORMATIKOA

Microsoftekoak direlakoan egindako iruzur gehiago atzeman dituzte Nafarroan

AGENTZIAK | ERREDAKZIOA

2020ko otsailean, abuztuan eta irailean antzemandako iruzurren antzekoak dira. Biktimak dei bat jasotzen du, bere ekipo informatikoa egoera txarrean dagoela jakinarazteko.

  • Lengoaia informatikoa.

    Lengoaia informatikoa. Artxiboko argazkia: pexels.com

Nafarroako Guardia Zibilak iruzur saiakeren beste bolada baten berri izan du, 2020ko otsailean, abuztuan eta irailean atzemandakoen antzekoa. Microsoft enpresa teknologikoko ustezko langile baten dei batekin hasten da iruzurra. Iruzurgile informatikoak biktimen ordenagailuetan sartzen dira engainuen bidez.

Iruzur mota horren biktimak dei bat jasotzen du. Dei horretan, Microsoft produktu elektronikoen enpresako sailen bateko langileren baten plantak eginez, iruzurgileak bere ekipo informatikoa egoera txarrean dagoela jakinarazten dio biktimari, birusak eta hackeoak dituela, alegia. Ondorioz, egileak arazoa konpondu ahal izateko zenbait urrats eman behar dituela esaten dio.

Horretarako, datu pertsonalak, gakoak eta argazkiak eskatzen dizkio, gero biktimaren bankuko kontuan baimendu gabeko zordunketak egiteko erabiliko direnak.

Gomendioak

Horrelako egoeren aurrean, Guardia Zibilak ondorengo gomendioak egiten ditu: solaskidea nor den ziur ez egotera, ez eman inolako informazio pertsonalik eta erabakiak presaka ez hartu. Gainera, ustezko langileak adierazten duen ordenagailuan eragiketarik ez egitea, komunikazioa erabat etetea eta ahalik eta lasterren Guardia Zibilaren herritarren arretarako 062 telefonoarekin harremanetan jartzea gomendatzen da.

Iruzur mota hori ez da berria; izan ere, egileek kanpaina masiboak egiten dituzte, eta aurreko aldietako esperientziak adierazten du gai horri buruzko etengabeko alertak gorabehera, herritarrei arreta emateko bulegoetan salaketak jasotzen direla hurrengo egunean, iruzurra egin eta biharamunean. Biktima, oro har, nagusia eta ezagutza informatiko gutxi dituena izan ohi da.

  • Bisitatuena

      Kargatzen ikusiena
      Kargatzen ikusiena