Gizartea -
Durangon
Mozkortuta eta kontrako noranzkoan gidatzeagatik atxilotu dute
Gertakaria atzo jazo zen BI-623 errepidean Urkiolara bidean. Gidariak positibo eman zuen alkoholemia proban eta atxilotu egin zuten.
Erredakzioa
Ertzaintzak gizon bat atxilotu du bart gauean Durangon alkoholaren eraginpean eta kontrako noranzkoan gidatzeagatik, Herrizaingo Sailetik jakinarazi dutenez.
Gaueko 09:00etan Ertzaintzaren agenteek kontrako noranzkoan zihoan auto bat ikusi eta atzetik jarraitu zioten, BI-623 errepidean, Urkiolara bidean.
Haren atzetik kilometro bat inguru egin eta gero, agenteek autoa geldiaraztea lortu zuten eta gidaria edari alkoholdunen eraginpean zegoela baieztatu zuten. Alkoholemia proban positibo eman zuen; botatako arnasan litroko 1,03 miligramoko alkohol-tasa eman zuen, eta gehienez ere 0,25ekoa onartzen dute.
Herrizaingo Sailetik azaldu dutenez, atxilotutako gidariak arrisku uneak sortu zituen eta bidean aurrez aurre topatu zituen hainbat autok harekin talka ez egiteko euren norabidea aldatu behar izan zuten.
Hori dela eta, Ertzaintzak gizonezkoa atxilotu zuen trafiko segurtasunaren kontrako delitua egotzita.