Gizartea -
Trafikoa
Zortzi ibilgailuren arteko istripuak auto-ilarak eragin ditu AP-8an, Aia parean
Istripua 08:13an gertatu da, Irungo noranzkoan, eta ez da inor zauritu.
L. Z. | EiTB MEDIA
Zortzi ibilgailuren arteko istripua izan da ostegun goizean AP-8 autobidean, Aia (Gipuzkoa) parean, eta horrek auto-ilara luzeak eragin ditu Irungo noranzkoan, Segurtasun Sailak jakitera eman duenez.
Ezbeharra 08:13an gertatu da, eta ez da inor zauritu.
Herri Lanetako langileak bertaratu dira errepidea garbitzera, iturri horren arabera.
Bestalde, errei bat itxi behar izan dute goizeko lehen orduan N-637 errepidean, Erandion (Bizkaia), kamioi baten matxuraren ondorioz. Ondorioz, Galdakaoko noranzkoan auto-ilara luzeak sortu dira BI-637 errepidean, eta baita AP-8 autobidean ere.
Hau zure interesekoa bada, baliteke beste gai hauek ere izatea