Iruzurti bat bahitu eta trukean lapurtutakoa itzultzea eskatu dute

Poliziak Vilagarciako (Vigo) pisu batean bahituta zegoen pertsona bat eta bere bost bahitzaileak atxilotu ditu. Poliziak azaldu dutenez, tindatutako billeteen iruzurra pairatu ostean, iruzurgilea bahitu eta erreskatearengatik 5.000 euroko ordaina eskatu zuten.

Igandean, dei baten bidez bere anaia bahituta zutela eta askatzeko 5.000 euroko diru kopurua eskatu ziotela jakin bezain laster, kamerundar jatorriko gizon batek Xirivellako (Valentzia) komisaria batean salaketa bat jarri zuen, eta litekeena bahitua Vilagarciako pisu batean egotea zela adierazi zien agenteei.

Ordu batzuk geroago Vilagarciako hirigunetik gertu dagoen kale bateko etxebizitza batean aurkitu zuten, eta lau gizon eta emakume batek bere borondatearen aurka atxiki zutela azaldu zien polizia agenteei. Bahituak etxetik alde egitea lortu eta gero kontatu zien dena, eta etxebizitza non zegoen azaldu ostean bahiketaren egileak atxilotzera joan ziren bertara.

Atxilotuek polizia etxean azaldutakoaren arabera, pertsona horrek tindatutako billeteen metodoaz 5.000 euroko iruzurra egin zielako bahitu zuten. Gainera, pertsona horrez gain oraindik bere kokalekua ez zekiten beste pertsona bat gordeta zutela aitortu zuten.

Iruzur mota hau erreaktibo kimiko batzuk tindatutako paper batzuetan aplikatzean datza, horrela euro billeteetan bihurtzen baitira.

Atxiloketak

Informazio guztia jaso ondoren, 33 urteko ustezko iruzurgilea (legez kanpo dago Espainian) atxilotzea erabaki zuen Poliziak. Horrez gain, bahiketaren ustezko bi egile, 29 urteko brasildar bat eta 27 urteko venezuelar bat, atxilotu dituzte, eta kanporatzeko espedientea zabaldu diete.