Langileen % 80k babestu dute Metro Bilbaoren lanuztea

Rafael Valencia Metro Bilbaoko ELAko enpresa batzordearen presidenteak esan duenez, langileen % 80k babestu dute ostiral honetarako deituta zegoen lanuztea.

Valenciaren arabera, eta datu batzuk falta direnean, "ziurtatu dezakegu langileen % 80 baino gehiagok babestu dutela greba".

Metroko enpresa batzordeak hiru orduko lanuztea deitu zuen, 09:30etatik 12:30ra, pertsonala geltokietan eta gidatzean mantentzeko akordioa, besteak beste, "bete" ez dutela salatzeko. Asteazkenetarako lanuzteei dagokienez, 23 eta 30ean, ordutegia 05:45etatik 07:45etara izango dira.

Basauriko geltoki berria

Metro Bilbaok zabaldu du dagoeneko Basauriko bigarren geltokia, zerbitzua zabaldu zenetik eta 16 urtera. Geltoki berriak hiru sarbide izango ditu. Lehenak, eskailera mekanikoak izango dituena, Basozelai kalean dago, Udaletxearen egoitzaren parean. Bigarrena Bidasoa kalean kokatu dute, eta ia maldarik ez duenez korridore batzuk jarri dituzte. Hirugarrena Gipuzkoa kalean dago, eta bi igogailu izango ditu.

Basauriko geltokitik hurbil bizi diren 35.500 pertsonetatik, 13.000 geltokitik 5 minututara eta beste 22.400 10 minutura daude oinez egiten badute. Bezero berriak 8 minututan helduko dira Abandora, 12 minututan San Mamesera eta 21etan Gurutzetara.

Santurtzi

Halaber, Santurtziko geltokia ere gaur zabaltzea espero da. Hain justu, asteburutik itxita dago, euri denboraleak sortutako uholdeen ondorioz.

Orain arte, zerbitzua autobusez eskaini dute.