Gizonezko bat atxilotu dute, polizia bati aurpegian hozka egiteagatik

Polizia Nazionalak pertsona bat atxilotu du, agente bati aurpegian hozka egitea leporatuta, bera identifikatzera zihoanean, Vallecasen. Gainera, beste lau pertsona ere atxilotu egin dituzte, erasotzaileari laguntzen saiatzea egotzita, Madrileko Poliziak jakitera eman duenez. Guztiak gizonezkoak dira eta 19 eta 53 urte artean dituzte. Agenteen aurkako ustezko atentatu delitua egiteagatik atxilotu dituzte, Poliziaren arabera, agenteak "eurengatik inguratuta" ikusi zirelako gizonezkoa identifikatzera joan zirenean.

Gertakizunak atzo, 17:00etan, izan ziren, Vallecaseko (Madril) Javier de Miguel kalean. Bi agente pertsona bat bilatzen ari ziren, indarrean zegoen erreklamazio polizial bat zuelako.

Bera identifikatzera joan zirenean, bilatzen ari ziren pertsona bera zen egiaztatu ahal izateko, gizonezkoak irainak bota zizkien eta hil egingo ziela esan zien, polizia-etxera joateko zailtasunak jarrita. Une batean, polizia bati hoska egin zion aurpegian eta hemorragia handi bat eragin zion.