Gizartea -

KORONABIRUSA

Frantziak PCR negatiboa eskatuko die EBko hegazkin bidaiariei, astelehenetik

Urtarrilaren 14tik neurri hori bera aplikatzen die Frantziak Europar Batasunekoak ez diren bidaiariei. Emaitza negatiboa bada, EBko bidaiariek ez dute koarentena egin beharko.

Eiffel dorrea, Parisen. Artxiboko argazkia: EFE
Eiffel dorrea, Parisen
Eiffel dorrea, Parisen. Artxiboko argazkia: EFE

O. A. | EITB MEDIA

Whatsapp Facebook Twitter Telegram Email

Frantziak PCR negatiboa eskatuko die astelehenetik aurrera Europar Batasunetik (EB) hegazkinez herrialdera sartzen diren bidaiariei. Koronabirusari eskainitako EBko 27 herrialdeen arteko goi-bileran, Bruselan, iragarri du albistea ostegun honetan Emmanuel Macron Frantziako presidenteak. Proba bidaiatu baino 72 ordu lehenago egin beharko da.

Urtarrilaren 14tik neurri hori bera aplikatzen die Frantziak Europar Batasunekoak ez diren bidaiariei. Kasu horretan, zazpi egunez bakartu egin behar dute. Europar Batasuneko bidaiarien kasuan, ordea, emaitza negatiboa bada ez dute koarentena egin beharko. 

Gauzak horrela, Espainiari eta Herbehereei batu zaie Frantzia. Izan ere, herrialde horiek ere aurreko hiru egunetan egindako PCR negatiboa aurkezteko eskatzen die hegazkinez herrialde horretara sartu nahi duten bidaiari guztiei.

Neurri horretatik salbuetsita gelditzen dira "ezinbesteko bidaiak", "mugaz bi aldeko langileak" eta "lurreko garraioa".

Hau zure interesekoa bada, baliteke beste gai hauek ere izatea
Frantzia argazkiak Gaixotasunak albisteak Gizartea albisteak Albisteak Gaur Eguneko albisteak Osasun albisteak gaur Koronabirusaren olatua gaur