Gizartea -
Zarzuela Jauregian
Erregeak etxean izandako istripu baten ondorioz begian hematoma bat du
Ate baten izkinarekin kolpe bat hartu du aurpegian, baina agendan zituen ekitaldiei aurre egin ahal izan die.
Erredakzioa
Erregeak Zarzuela Jauregian istripu bat izan du eta ezkerreko begian hematoma bat eragin dio. Hori dela eta, baina, ez du agendan zuen ekitaldirik bertan behera utzi behar izan.
Erregearen etxeko iturriek esan dutenez, irekitzera zihoan ate batekin hartu du kolpea erregeak, justu une horretan bertan laguntzaile batek beste aldetik ireki baitu atea.
Aurpegian hartutako kolpeak, sudurrean eta ezkerreko begian hematoma nabarmen bat eragin dio. Hala ere, etxeko istripu honek ez dio bere agendarekin jarraitzea eragotzi eta goizean bertan, bost enbaxadore berri hartu ditu Jauregi Errealean.