Gizartea -
% 30ean zifratu dituzte
Zerbitzu minimoak bermatuko dituela esan du Bilboko Metroak
Trenak geltoki bakoitzetik zein ordutan igaroko diren jakiteko, ordutegiak www.metrobilbao.net edo 94 425 40 25 zenbakian kontsultatu ahalko dira.
Erredakzioa
Bihar metroko langileek 5:45etik 7:45era egingo duten geldialdiaren aurrean, Bilboko Metroko zuzendaritzak zirkulazio guztien % 30ean zifratuta dagoen zerbitzu minimoa beteko duela esan du.
Bilboko Metroak "ahalik eta zerbitzu hoberena" eskainiko duela adierazi du, betiere bere langileriak greba horren aurrean duen erantzunaren arabera. Horrez gain, Eusko Jaurlaritzak ezarritako zerbitzu minimoak betearaziko dituela bermatzeaz gain, greba orduetatik kanpo ohiko zerbitzua emango dutela gaineratu du.
Trenak geltoki bakoitzetik zein ordutan igaroko diren jakiteko, ordutegiak www.metrobilbao.net edo 94 425 40 25 zenbakian egongo dira eraskusgai.