Gizartea -

KORONABIRUSA

Kale-edanean ari ziren 93 pertsona identifikatu dituzte Deustun

Ertzaintzak alkohola edaten ari zen gazte talde bat desegin du Ugasko Bideko kirol instalazio ireki batean, ikasle egoitza batetik gertu.

EITB MEDIA

Whatsapp Facebook Twitter Telegram Email

Bilboko Deustu auzoan kale-edanean ari ziren 93 pertsona identifikatu ditu bart Ertzaintzak. Kalean alkohola edateko pertsona talde handi bat elkartu da Ugasko Bideko kirol instalazio ireki batean, ikasle egoitza batetik gertu. 

Abisua jasotakoan, 21:00ak aldera, ertzainak bertaratu egin dira. Botilak eta edalontziak aurkitu dituzte lurrean.

Ertzaintzak jakinarazi duenez, kale-edanean ari zirenak identifikatu eta zigorra ezartzeko proposatu dituzte, koronabirusaren zabalkundea geldiarazteko ezarrita dauden osasun neurriak ez betetzeagatik.

Asteburu honetan, Ertzaintzak eta udaltzaingoek kontrolak egingo dituzte murrizketak bete daitezen. Iragan asteburuan soilik, Ertzaintzak eta udaltzaingoek 1.900 zigor proposamen egin zituzten.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.
Hau zure interesekoa bada, baliteke beste gai hauek ere izatea
Bilbo berriak Herriak eta Hiriak Bizkaiko albisteak Gizartea albisteak Eguneko albisteak Gaurko azken orduko albistea Koronabirusari lotutako azken orduko albisteak Gazteak albisteak Deusturen azken ordukoa