Gorpuzki gehiago aurkitu dituzte Getxoko Arrigunaga hondartzan

Urtarrilean hondartza horretan zatitua agertutako hilotzarenak direla uste dute. Gizonezko bat atxilotu zuten gertakariarekin zerikusia duelakoan, eta preso dago.

Ertzaintzaren bilaketa Arrigunagan, artxiboko irudi batean. Argazkia: Segurtasun Saila

agentziak | eitb media

publikatuta: 2021/03/31 13:57 (UTC+2)

azken eguneratzea: 2021/04/13 09:36 (UTC+2)

Gorpuzki gehiago aurkitu zituzten atzo Getxoko Arrigunaga hondartzan, eta litekeena da urtarrilean zatituta aurkitu zuten gorpuarenak izatea, Eusko Jaurlaritzaren Segurtasun Sailak Europa Press albiste agentziari jakinarazi dionez.

Ertzaintzak gizonezko bat atxilotu zuen martxoaren 8an Barakaldon kasuarekin zerikusia duelakoan, eta gizonezko baten homizidioa leporatuta. Bi egun geroago, atxilotua espetxean sartu zuten.

Atzo arratsaldean agertu ziren gorpuzkiak hondartza bizkaitarrean, eta Segurtasun Sailak urtarrilean topatutakoekin lotu ditu.

Hau zure interesekoa bada, baliteke beste gai hauek ere izatea

Ertzaintza Getxo Bizkaia Gizartea Eguneko albisteak Albisteak Arrigunaga hondartza Kantauri itsasoa albisteak

Gorpuzki gehiago aurkitu dituzte Getxoko Arrigunaga hondartzan

Esteka kopiatuta