Gizartea -
Barakaldon
Lau pertsona arin zauritu dira A-8an, sei autok talka egin eta gero
Zaurituak Gurutzetako ospitalera eraman dituzte. Istripuaren ondorioz auto ilara luzeak sortu dira.
Erredakzioa
Goizeko 08:00etan trafiko istripua izan da A-8 autobidean, sei bat autok talka egin dute eta lau pertsona arin zauritu dira.
Ezbeharra Gurutzetako ospitalearen inguruan jazo da eta auto ilara luzeak sortu dira.Trafikoa Kantabria aldera eta Errontegi aldera bideratzen den gunean jazo da ezbeharra. Istripuaren ondorioz, bi errei itxita egon dira, baina, 09:00ak aldera normaltasuna itzuli da.
Herrizaingo Sailak jakinarazi duenez, lau pertsona zauritu dira istripuan eta Gurutzetako ospitalera eraman dituzte. Zauri arinak jasan dituzte.