Publizitatea
Itxi

2021/04/02

16:48

Gizartea

Jostailu faltsuak

Faltsututako 26.000 jostailu eta laser konfiskatu dituzte Bizkaian

I. G. | EITB MEDIA

Europolen operazioak 16 milioi euroko balioa duten bost milioi jostailu faltsifikatu edo ez-seguru atzeman ditu 24 herrialdetan.

  • Guardia Zibila jostailuak konfiskatzen beste operazio batean

    Guardia Zibila jostailuak konfiskatzen beste operazio batean. Irudia: Guardia Zibila

  • Whatsapp
  • Whatsapp
  • Telegram
  • Bidali

Guardia Zibilak 150.000 jostailu faltsifikatu edo ez-seguru konfiskatu ditu Espainian Europolen operazio batean, eta 26.000 jostailu eta laser faltsu atzeman dituzte Bizkaian.

Europolen operazioak 16 milioi euroko balioa duten bost milioi jostailu faltsifikatu edo ez-seguru atzeman ditu 24 herrialdetan.

Guztira, 4.163 ikuskapen egin dira Espainian, eta 1.968 arau-hauste administratibo eta 40 penal atzeman dira.

Institutu armatuak jakitera eman duenez, Espainian abenduan Los Dolores eta Beniajango pedanietan izan zen ekintza nabarmenena, Txinan 29.683 jostailu faltsutu baitzituzten, 39.000 euroko balioarekin. Beraz, bost ikertu dituzte jabetza industrialaren aurkako delituengatik.

Zerga Agentziarekin batera egindako jarduketa batean, Bizkaian egindako 61 ikuskapenetan, 36.000 euro baino gehiagoko balioa zuten 26.000 jostailu eta laser faltsu atzeman ziren. Bi inputatu daude jabetza industrialaren aurkako delituengatik, eta 177 arau-hauste administratibo daude kontrabandoarekin, kontsumoarekin, atzerritartasunarekin eta zergekin zerikusia duten delituengatik.

Handizkako bazar eta biltegietan, errepideetan, portuetan, aireportuetan eta aduana-esparruetan egindako kontrolen ondoren, 41 pertsona ikertu dituzte Espainian, kontrabandoko, dokumentuak faltsutzeko, jabetza industrialaren eskubideen aurka aritzea, kapitalak zuritzea eta erakunde kriminaleko kide izatea egotzita.

Ludus operazioa Austrian, Belgikan, Bulgarian, Kroazian, Zipren, Txekiar Errepublikan, Danimarkan, Frantzian, Grezian, Erresuma Batuan, Herbehereetan, Hungarian, Islandian, Irlandan, Italian, Letonian, Luxenburgon, Norvegian, Portugalen, Errumanian, Eslovakiako Errepublikan, Eslovenian eta Estatu Batuetan ere garatu da.

Atzemandako jostailuak jatorrizkoetatik bereizteko "oso" zailak diren kopiak dira, eta, askotan, haurren osasunerako "arrisku larria" dakarte, ez baitute segurtasun-kontrolik igaro, eta ez baitute erabilera-jarraibiderik edo adin-mugarik erabiltzen.

  • Bisitatuena

      Kargatzen ikusiena
      Kargatzen ikusiena