Gizon bat atxilotu dute Irunen emakume bat bortxatzen saiatzeagatik

Ertzaintzak 30 urteko gizonezko bat atxilotu du larunbat honetan Irunen emakumezko bat bortxatzen eta ito egiten saiatzeagatik. Auzokide batek erasoa saihestu zuen, euritako batekin erasotzailea jo ostean.

Gertaera larunbat honetan 00:00ak aldera jazo da, Irungo Alzukaitz kalean. Erasotzailea biktimara hubildu zen, iletatik heldu eta lurrera bota. Emakumeak aurre egin zion eta oihuka hasi zenean, gizonezkoak lepotik heldu zion eta ito egiten saiatu zen.

Auzokide batek oihuak entzun zituen etxetik eta kalera irten ostean, haiengana jo zuen eta euritako batekin erasotzailea jo zuen. Honek ihes egin zuen eta Ertzaintza abisatu ostean, patruila bat bertaratu zen. Handik hurbil, sasi batzuen artean aurkitu zuten gizona ezkutatuta. Eraso sexuala eta zauriak leporatuta, atxilotuta eraman zuten. Emakumezkoa ospitalera eraman zuten.