Gizartea -
Erasoa kalean
Atxilotu bat Tolosan borroka batean hainbat pertsona zauritzeagatik
5:00ak aldera Gorriti plazan hasi zen borrokak hainbat zauritu eragin ditu.
Erredakzioa
Borrokaldi batean hainbat pertsona zauritzea egotzita, Ertzaintzak 22 urteko gazte bat atxilotu du Tolosan, Eusko Jaurlaritzaren arabera.
Gertakariak atzo 5:00ak aldera hasi da Gorriti plazan, eta borrokaldian parte hartu dutenetako batzuk zauritak suertatu dira.
Ertzaintza ohartarazi eta patruila bat bertaratuta, lepotik odoletan zegoen gizon bat aurkitu zuen. Gizonezko hori eta zaurituta zegoen beste bat ospitalera eraman behar izan zituzten. Borroka oraindik amaitu barik zegoenez, patruila gehiago bertaratu ostean, agenteek ustezko erasotzailea eta horren lagun bat polizia etxera eraman zituzten gertatutakoa argitzeko asmoz.
Kartzelaratuak
Ikerketa egin eta gero, Ertzaintzak 22 urteko gizona atxilotzea erabaki eta bere laguna askatu du. Bigarren hori erietxera joan behar izan da, horrek ere kolpeak jaso dituelako borrokaldia iraun bitartean.
Atxilotua Tolosako Epaitegian izan da, eta epaileak kartzelaratzea erabaki du, aurretik ere aurrekari penalak zituelako.