Gizartea -
TRAFIKO ISTRIPUA
Emakume bat eta bi adin txikiko larri zauritu dira Obanosen izandako auto istripuan
Arratsaldeko azken orduan, errepidetik irten eta irauli egin zen autoa. Nafarroako Ospitalera eraman zituzten zaurituak.
EITB MEDIA
Emakume bat eta bi adin txikiko, ama eta seme-alabak, larri zauritu ziren atzo arratsaldean NA-1110 errepidean, Obanos parean, izandako auto istripuan.
20:30ak baino lehenxeago gertatu zen ezbeharra. Antza denez, autoa errepidetik irten eta irauli egin zen, Nafarroako Suhiltzaileek Twitterren duten kontu ofizialean jakinarazi dutenez.
Nafarroako Ospitalera eraman zituzten hiru zaurituak, egoera larrian.
Cordovillako eta Lizarrako suhiltzaileek autotik atera behar izan zituzten hirurak, harrapatuta baitzeuden.
Foruzaingoak bere gain hartu du istripuaren nondik norakoak argitzeko ikerketa.