Agoitzeko etxe bateko teilatuak kalteak izan ditu, sute baten ondorioz

Etxe bateko tximiniak su hartu du gaur eguerdian Agoitzen (Nafarroa), eta garrak tximinia zulotik teilatura zabaldu dira.

Nafarroako Gobernuak azaldu duenez, ez da inor zauritu, eta etxebizitzak ez du kalte handirik jasan.

Hala ere, garrek teilatuaren zati bat kiskali dute. Bizilagunak barruan ziren sua piztu denean eta hura itzaltzen saiatu dira, baina ez dute lortu. Orduan, suhiltzaileei abisua eman diete, arratsaldeko 14:50etan. Ordubete beranduago, sua itzaltzea lortu dute suhiltzaileek.