80 aldiz atxilotu dituzten bi gizon atzeman dituzte Bilbon, lapurretan

Bi gizonezko atxilotu dituzte gaur goizaldean Bilboko Santutxu auzoko Batzokian eta farmazia batean lapurtzea leporatuta, Herrizaingo Sailak jakitera eman duenez. Atxilotuak 80 aldiz atzeman dituzte dagoeneko.

Herritar baten abisua jaso du bart Ertzaintzak Santutxuko Batzokian lapurretan ari zirela ohartaraziz. Ertzainak bertaratu egin dira eta berehala atzeman dituzte bi gizonezkoak. Horietako batek diru-kutxa bat zeraman.

Era berean, ertzainak ohartu dira farmazia baten lapurretan egiten saiatu direla baina ezdutela lortu.

Atxilotuak delitu-historial luzea dute, izan ere, bien artean 80 atxiloketa inguru batzen dituzte.