Gizartea -
Bilbo
Sute batek hiru zauritu utzi ditu Santutxun
Etxebizitza batek su hartu du eta jabea Basurtuko Ospitalera eraman dute erredura arinekin. Gainera medikuek bost pertsona artatu dituzte kea irentsi izanagatik.
Erredakzioa
Hiru lagun ospitaleratu dituzte, bat erredura arinekin eta beste bi kea arnasteagatik, eta beste hamar anbulatorioan artatu dituzte, Bilboko Santutxu auzoan izandako sute baten eraginez Eraikina hustu behar izan dute.
Ertzaintzak informatu duenez, 11:20etan gertatu da jazoera, Santutxuko Sorkunde kaleko 12 zenbakiko atarian. Jabea koltxoi bat lehortzen zebilen lehorgailu batez, eta baliteke txinparta batek sua piztu izana.
Zaurituak erredura arinak ditu eta Basurtuko Ospitalera eraman dute. Gainera, eraikina hustu behar izan dute, eta bost bizilagun artatu dituzte medikuek, kea irentsi izanagatik.