Bikotekideari kalean eraso egiteagatik atxilotua Bilbon

Ertzaintzak 40 urteko gizon bat atxilotu du Bilbon, bikotekidea kalean erasotzea leporatuta, Herrizaingo Sailak informatu duenez.

Igande goizaldean patruila bat zaintze-lanetan zebilen Deustu auzoan eta San Pedro plazan bertaratu ziren, emakume bat laguntza eske zebilela ohartarazita.

Agenteek eztabaidan zegoen bikote bat aurkitu zuten eta emakumeak aurpegian marka gorriak zituela eta erabat urduri zegoela jabetu ziren.

Emakumeak ertzainei esan zienez, gizona bikotekidea zen, eta eztabaidatzen ari zirela aurpegian jo zion.

Hala, ustezko erasotzailea emakumeen aurkako indarkeria delitua leporatuta atxilotu eta polizia-etxera eraman zuten, epailearen zain.