Gizartea -

NAFARROA

Giza hezurrak aurkitu dituzte Iruñeko antzinako ur etxola batean

Nafarroako Medikuntza Institutura eraman dituzte hezurrak, hildakoa nor den eta heriotza noiz eta nola gertatu zen argitzen saiatzeko.

Giza hezurrak agertu diren tokia, Beloson. Argazkia: @policiaforal_na
Giza hezurrak agertu diren tokia, Beloson
Giza hezurrak agertu diren tokia, Beloson. Argazkia: @policiaforal_na

O. A. | EITB MEDIA

Whatsapp Facebook Twitter Telegram Email

Atzo arratsaldean giza hezurrak aurkitu zituzten Iruñean, abandonatutako ur etxola zahar batean, Nafarroako Foruzaingoak eitb.eus-i baieztatu dionez. Iruñeko suhiltzaileek topatu zituzten gorpuzkiak, Beloso inguruan piztutako sua itzaltzera joan zirenean. Aipaturiko etxola Amaya Kirol Hiritik eta Foruzaingoaren komisaldegitik gertu dago.

Foruzaingoak jakitera eman duenez, arrasto zaharrak dira eta, itxuraz, denbora luzez egon dira bertan.

Hezurrak Nafarroako Medikuntza Institutura eraman dituzte. DNA probak egingo dituzte, hildakoa identifikatzen saiatzeko. Antza denez, etxerik gabeko pertsonek erabili ohi zuten.

Bestalde, Foruzaingoak ikerketa abiatu du gertatutakoa argitzeko.

Hau zure interesekoa bada, baliteke beste gai hauek ere izatea
Iruñeko bideoak Euskal hiriburuak Albisteak Nafarroa Gizartea albisteak Albisteak Gaur Gaurko azken ordukoa Foruzaingoa Suhiltzaileak albisteak