Neska bat bortxatu dute Iruñean, bi gizonen artean

26 urteko neska batek Iruñean pairatutako bortxaketa salatu du Espainiako Poliziaren aurrean. Poliziak asteburuan jaso zuen salaketa, eta ikerketa zabaldu du, baina ez du oraindik inor atxilotu.

Sexu erasoa Iruñeako Buirdana Parkean gertatu zen, igande goizean, gaztea kirola egiten ari zenean.

Salaketaren arabera, bi gizonezkok bortxatu zuten, goizeko 8:30ak aldera.

Poliziak lekuko bila dabil Iruñean, eta horretarako auzotarrek kartelak jarri dituzte parkean zehar. Informaziorik izan ezkero, Espainiako Poliziari deitzea eskatzen dute (091).