Gizartea -
Tarragonan
Gizon bat atxilotu dute hiru urtez 12 urteko neska bat bortxatzeagatik
50 urteko gizonak 17 urte zituela esanez kontaktatu zuen txat batean adingabearekin. Neskatoa bere adinaz jabetu ez zedin sexu-harremanak hotel batean ilunpetan izatea eskatu zion.
Erredakzioa
Poliziak 50 urteko gizon bat atxilotu du Tarragonan hiru urtez jarraian 12 urteko neska bati sexu-abusua egin diolakoan. Antza, gizonak txat baten bidez ezagutu zuen adingabea, eta 17 urte zituela esanez engainatu zuen.
Hotel batean ilunpetan sexu-harremanak izateko konbentzitu zuen, hala, neskatoa gizonaren adinaz jabetu ez zedin.
Neskak harremana amaitzea erabaki zuenean mezuen bitartez mehatxuka hasi zitzaion ustezko erasotzailea. Halaber, adingabearen kontaktuei azken urte horietan neskatoarekin izandako sexu-harremanen grabazioak igorri zizkien.
2009tik 2011ra arte jasandako jazarpen gogorraren eraginez adingabeak min psikologiko handia jasan zuen, baita bere osasun egoeran ere eta ikastetxea utzi behar izan zuen.