Gizartea -
Omenaldia
Gladys del Estal omendu dute Donostian, haren hilketaren 42. urteurrenean
Poliziaren gehiegikeriaren biktima izan zela aitotzeko eskatu dute Eguzki plataformak eta Gladys Gogoan elkarteak.
EITB Media
Donostiako Kristina Enea parkean omendu dute gaur Gladys del Estal, urtero legez. Bere hilketaren 42. urteurrenean, eta biktima gisa aitortzeko eskatu dute Eguzki plataformak eta Gladys Gogoan elkarteak.
Guardia Zibilak 1979an hil zuen Gladys del Estal gazte donostiarra, buruan tiroa jota, energia nuklearraren kontrako manifestazio batean, Tuteran. Hala ere, Estalen izena ez dago indarkeria polizialaren biktimen zerrendan.
"Gladys gogoratzen dugu, ez soilik 'gureetako bat' izan zelako, baizik eta egun hartan Gladys Tuterara eraman zuten arrazoiak inoiz baino indartsuagoak direlako gaur egun", salatu dute antolatzaileek komunikatu batean.
