Gizartea -
Iragarpena
Euria hizpide aste hasierarako eta izozteak barnealdean, EAEn
Litekeena da oraindik ere izotzaldiak izatea eta hori dela eta, astelehenera arte luzatu dute abisu horia. Asteartean eguzkia izango dugu berriro gurean, gaueko tenperaturek behera egingo duten arren.
Erredakzioa
Barnealdean izotzaldiak eman daitezkeelako abisu horia astelehena arte luzatzea erabaki du Eusko Jaurlaritzako Larrialdiei aurre egiteko eta Meteorologia Agentziak. Izan ere, goizaldean eta goizean goiz barnealdean izotz txikia egiteko probabilitatea handia da, bereziki Araban.
Euskalmet Euskal Meteorologia Agentziak iragarri duenez, eta azken egun hauetako giro lehorraren ondoren, astelehenean euria egingo du, nahiz eta oso puntualki egin. Giro nahiko ezegonkorra izango dugu. Zaparradak bota ditzake edozein puntutan, nahiz eta orokorrean zaparrada txikiak izan. Eguerditik aurrera atertzera egingo du. Gaua epelagoa izango da, eta horren ondorioz izotza ere oso leku gutxitan egingo du. Aldiz, egunez tenperatura jaitsi egingo da, eta orokorrean 10º-ren azpitik geratuko da termometroa. Elurra egin dezake 1100-1200 m-tik gora.
Astearteko goizeko lehen orduetan hodei hondarrak geratuko dira zeruan, baina goizak aurrera egin ahala desegin egingo dira. Eguerdi partean lurralde osoan giro eguzkitsua izango dugu. Egun amaieran, ordea, hodeiak ugaritu egingo dira; erdi mailako hodeiak eta goi-hodeiak izango dira gehienak, beraz ez digute euririk utziko. Tenperatura maximoak igandeko balioetara iritsiko dira, aldiz minimoak jaitsi egingo dira apur bat barnealdean, beraz izotza egiteko probabilitatea handiagoa izango da.
Ikus itzazu eguraldiaren argazkirik ederrenak.
