Itxi

2021/06/20

09:36

Gizartea

KORONABIRUSA

Kasu berriak 43ra jaitsi dira Nafarroan, baina positibitatea % 4,8ra igo da

EITB MEDIA

Nafarroako 16 urtetik gorakoen % 60k baino gehiagok badute jada lehen dosia jarrita eta adin horretatik gorakoen % 38 erabat immunizatuta daude.

  • Hainbat lagun terraza batean, Iruñean. Artxiboko argazkia: EFE

    Hainbat lagun terraza batean, Iruñean. Artxiboko argazkia: EFE

  • Whatsapp
  • Whatsapp
  • Telegram
  • Bidali

Larunbat honetan 43 kutsatu berri atzeman dituzte Nafarroan, bezperan baino 16 gutxiago, Foru Gobernuak igande goizean emandako behin-behineko datuen arabera.

Osasun Sailak 899 proba egin zituen atzo, eta horietatik % 4,8k eman zuten positibo.

Astean zehar, 32 kasu atzeman zituzten astelehenean Nafarroan ( % 1,9), 62 asteartean ( % 3,3), 46 asteazkenean ( % 3,2), 47 ostegunean ( % 3,2), 59 ostiralean ( % 4) eta 43 ( % 4,8) larunbat honetan.

Azken 24 orduetan positibo gehien izan duten zonaldeak San Adrian (4 kasu) eta Burlata, Funes, San Jorge (Iruñea), Txantrea (Iruñea) eta Tutera (ekialdea) dira (laurek 3na kasu).

Txertaketaren datuak

Txertaketari dagokionez, 5.106 dosi inokulatu zituzten atzo. Guztira 527.063 txerto eman dira eta 20.279 pertsonak dute pauta osoa.

Oro har, Nafarroako 16 urtetik gorako biztanleen % 60k baino gehixeagok du dosi bat jarrita, eta populazio horren % 38 erabat immunizatuta dago.

Bestalde, 100.000 biztanleko 14 eguneko intzidentzia metatua 92,63koa zen ostiral honetan Foru Erkidegoan, Espainiako Osasun Ministerioak emandako datuen arabera.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.
  • Bisitatuena

      Kargatzen ikusiena
      Kargatzen ikusiena
    ;