Ertzain bati eta hezitzaile bati eraso diete adingabeen zentro batean

16 urteko adingabe bat atxilotu dute eta beste hiru neska inputatu dituzte bart goizean Hernaniko arreta etxe batean izandako istiluak direla eta. Ertzaintzaren agente bati eta hezitzaile bati eraso diete adingabeek, Herrizaingo Sailak jakinarazi duenez.

Adingabeen zentroko arduradunek Ertzaintzari deitu diote goizaldean adingabe talde bat kalteak eragiten eta paperei su ematen ari zela ohartaraziz.

Hernaniko udaltzaingoaren eta Ertzaintzaren patruila bat joan dira zentrora, egoera kontrolpean jarri ahal izateko, baina adingabe batzuek indarkeriaz hartu dituzte.

Mutil bat Ertzaintzaren agente bati oldartu zaio, eta harramazkak eta kolpeak jasan ditu, beste adingabe batzuek agenteak iraindu dituzte.