Gizartea -
A-12 errepidean
Sei zauritu, horietako bat larri, sei kotxeren arteko talkan, Lizarran
Bost kotxe eta kamioi baten arteko talkan sei lagun zauritu dira eta horietako bat larri eraman dute Nafarroako ospitalera.
Erredakzioa
Sei lagun zauritu dira hainbat kotxeren arteko istripu baten ondorioz, Lizarra parean, A-12 errepidean, Iruñerako noranzkoan.
Istripua bost auto eta kamioi baten artean gertatu da goizeko 08.00ak aldera, eta ordubetez errepidea itxita egon da, horregatik, Galar eta Viana artetik bideratu dute trafikoa. Istripuan 78 urteko emakume bat oso larri zauritu da eta Nafarroako ospitalera eraman dute.
Lizarrako Garcia Orcoyen Ospitalera, berriz, 72 urteko gizonezko bat (hainbat traumatismo zituen) eta 49 urteko emakumezko bat (lepoko mina zuen) eraman dituzte. Beste bi zauritu kotxe partikularretan eraman dituzte Lizarrako ospitalera.
Istripua izan den tokira larrialdietarako zerbitzuetako langileak joan dira, eta zaurituetako bat suhiltzaileek atera behar izan dute burdina artetik.