Gizartea -
Aitatasun frogak egin ostean
Emazte ohiari etxea ematera behartuta, semea berea izan ez arren
Dibortzio prozesu batean, bikotearen etxebizitzaren gozamena emazte ohiari eman dio Murtziako Lurralde-Auzitegiak, semearen aita biologikoa ez zela frogatu bazuen ere.
Erredakzioa
Murtziako Lurralde-Auzitegiko Laugarren Gelak etxebizitzaren gozamena eman dio emazte ohi bati, dibortzio prozesu batean senar ohiak semearen aita biologikoa ez zela frogatu bazuen ere.
Aurrekarien arabera, gizonezkoak bere semearen aitatasuna errefusatzeko helegite bat jarri zuen eta aita biologikoa ez zela egiaztatzeko, DNA aitatasun frogak aurkeztu zituen. Horrela, dibortzio prozeduran hartutako neurriak bertan behera uzteko eskatu zuen, tartean, etxebizitzaren gozamena emazte ohiari eman izana.
Emakumearen aurkako Indarkeria Auzitegiak senar ohiaren alde egin zuen: haren aitatasuna baliogabetu zuen eta bertan behera utzi zituen dibortzioan ezarritako neurriak. Emakumeak horren aurkako helegitea jarri zuen eta Murtziako Lurralde-Probintziak ebatzi duenez, emakumeak izango du bikote ohiaren etxebizitzaren gozamena. Epaileek ebatzi dutenez, ez dago dibortzio prozeduran adostutako neurriak aldatzerik, senarrak ez duelako frogatu bera zela babes gehien behar zuena.