Cuelgame.net, meneame.com-en deskarga webgune berria

 Cuelgame.net, meneame.net sortzeko erabilitako kode berdinarekin sortu berri den webgune berri bat da. Meneame.net-en estiloa jarraituz, web berri horrek multimedia artxiboak deskargatzeko aukera ematen duten link-ak eskaintzen ditu. Cuélgameren bereizgarriak 'meneo' ezagunak eta nabarmentzeko sistema gisa esteka bakoitzaren 'karma' edo ospea dira.

Menéame webguneak ospe handia lortu du azken urte hauetan, informazioa partekatzeko erabiltzen duen sistemari esker. Bertan, erabiltzaileek beste web batzuetan ikusi dituzten albisteak nabarmen ditzakete, eta horrela, webguneak genero, formatu eta mota guztietako albisteak jasotzen ditu, erabiltzaileentzat interesgarriak, betiere. Boto sistema bati esker, albisteak zerbitzuaren atarian agertzen dira, eta zerrenda hori etengabe berritzen eta hazten doa.

"Ideia oso argia da: meneame.net-en sistema erabiliz, ed2k link, torrent edota magnets bezalako deskarga bilduma bat osatzeko asmoa daukagu. Modu horretan, erabiltzaileek deskarga horiek bozkatu eta promozionatzeko boterea izango dute", azaldu dute Cuelgamek duen blogean.

Jomugan

Webak Menéameren ia diseinu bera du (kolore laranjaren ordez, berdea du) eta zerbitzuaren ezaugarri ezagunenak mantentzen ditu: botoak emateko sistema ('meneoak') eta edukien sailkapenak. Halaber, Menéamen ikusgai diren beste atal batzuk (“deskarga bidali” eta “egiteko”, esaterako) Cuélgamerako moldatu egin dituzte.

Web berria oso momentu gorabeheratsuan sortu da. Sinde legearen onarpenak, SOPA Legeak eragindako eztabaidak, ACTAren sinatzeak eta Megauploaden itxierak jomugan jarri ditu horrelako webgunea.