Itxi

2021/08/06

17:11

Gizartea

SANFILIPPO Sindromea

Araitz hil da, Sanfilippo duten hiru anai-arreben artean zaharrena

AGENTZIAK | EITB MEDIA

15 urteko nerabearen egoerak okerrera egin du azken hilabetean, "Haurren Alzheimerra" izeneko gaixotasun neurodegeneratibo horren ondorioz.

  • Gaixotasuna ikertzeko diru-bilketa kanpaina

    Gaixotasuna ikertzeko diru-bilketa kanpaina. Artxiboko argazkia: EITB Media.

  • Whatsapp
  • Whatsapp
  • Telegram
  • Bidali

Araitz, 15 urtekoa eta Sanfilipo sindromea zuena, hil egin da ostiral honetan Bilbon, bere etxean.

Hiru haur horien ama, Naiara Garcia de Andoin, izan da, azken urteotan, gaixotasuna ikertzeko dohaintza kanpaina publiko baten bultzatzaile nagusia.

Neskatoaren egoerak okerrera egin du azken hilabetean, "Haurren Alzheimerra" izenez ezagutzen den gaixotasun neurodegeneratibo horren ondorioz; izan ere, aldaerarik oldarkorrenean, umeei narriadura kognitibo eta fisikoa eragiten die, eta nerabezaroan heriotza eragiten die.

Araitzen bi anaiek, Xonek (12 urte) eta Unaik (10 urte), gaixotasun bera dute. Amak beti esan du amore ematea ez dela aukera bat.

Euskadin kaltetutako familiak biltzen dituen elkarteko iturriek Efe albiste-agentziari egindako adierazpenetan nabarmendu dutenez, neskatoaren familiak indar eta ausardia handiz egin dio aurre alabaren gaixotasunaren azken hilabeteari.

Naiara Garcia de Andoinek bere alabaren heriotzaren berri eman du sare sozialetan: "Araitzek Sanfilippotik libre hegan egitea eta atseden hartzea erabaki du".

"Izan daitekeen alabarik onena izan da, eta azken arnasa hartu arte ez dio izateari utzi. Jose (aita) eta biok ondo gaude, lasai baina oso triste. Albisteak ez gaitu ustekabean harrapatzen, baina irreala dirudi, amesgaizto bat. Ez dugu ezer egingo jendaurrean, asko egin dugu eta badakigu maite gaituzuela eta minduta zaudetela", adierazi du Naiarak.

  • Bisitatuena

      Kargatzen ikusiena
      Kargatzen ikusiena
    ;