Zazpi familia etxetik atera dituzte luizi baten ondorioz, Donostian

Zazpi familia etxetik atera dituzte Donostiako Altza auzoan gertatu den luizi baten ondorioz, Donostiako Udalak jakitera eman duenez.

Goizaldeko ordu bata inguruan gertatu da luizia, Jolastokieta kaleko 14.ean, eta bi eraikin jendez hustu behar izan dituzte badaezpada.

Nora Galparsoro zinegotziak azaldu duenez, egoera aztertu ostean, Udalak teknikari gehiago bidali ditu eraikinaren egoera zein den jakiteko, lur-jausiaren ondorioak zenbaterainokoak diren zehaztu ahal izateko.

Bizilagunek Udaltzaingoari eta suhiltzaileei deitu zieten eraikinetako batean karraska bat entzun ondoren. Suhiltzaileek eraikina hustea erabaki zuten.

Etxetik atera dituzten zazpi familietatik bi pertsona bakarrik eraman behar izan dituzte Udalaren Larrialdi Sozialen Zerbitzura.

Udaltzaingoak eraikinak zainduko ditu bizilagunek berriro etxera itzul daitezkeela erabakitzen duten arte.