Gazte bat larri zauritu dute Getxon, hautsitako botila batekin eraso egin ondoren

Gizon bat larri zauritu da gaur goizean metroan, Bidezabal eta Algorta geltokien artean izandako borroka batean, beste batek hautsitako kristalezko botila batekin eraso egin ostean.

Gertaera 07:30ak aldera jazo da, bi gizon Bilboko metroko konboien barruan borrokan hasi direnean. Bidezabaleko geltokira iristean, batek besteari botila hautsi batekin eraso egin dio eta lesio larriak eragin dizkio masailean eta lepoan.

Algortan, gizonezkoa artatu dute, eta anbulantzia batek Gurutzetako ospitalera eraman du; erasotzaileak, berriz, ihes egin du.

Dagoeneko, Ertzaintzak ustezko erasotzailea identifikatu du, eta haren bila dabil atxilotzeko.