Gizartea -
Karguekin
Lan-erreformaren kontrako 'suminduak' aske utzi dituzte
Kongresuaren inguruan protesta egiteagatik bederatzi pertsona atxilotu zituzten ostiralean. Desordena publikoa eta agintaritzari jarkitzea leporatzen diete.
Erredakzioa
Ostiralean Kongresuko inguruetan izandako istiluengatik atxilotutako bederatzi pertsonak aske utzi dituzte, karguekin, igande arratsaldean, 15M mugimenduko bozeramaile baten arabera.
Iturriaren arabera, guztiei desordena publikoa eta agintaritzari jarkitzea leporatu diete. Horietariko bati, gainera, agintaritzaren kontrako atentatua ere egotzi diote.
Informazioko Lurralde Brigadan bi gau pasa ondoren, atxilotuak Castilla plazako epaitegietara eraman dituzte igande goizean, goardiako epailearen aurrean deklaratzera.
Istiluetan Poliziak karga egin zuen manifestari batzuen kontra, Diputatuen Kongresura hurbiltzen saiatzen ari zirenean. Manifestari batek zortzi poliziak zauri arinak izan zituzten.
